簡易美味炒剪麵

作者： Amy小煮意

2000年期間去過幾次新疆，食過當地嘅貓耳朵炒麵，勁道好食，回味無窮😜，後來回家也學整過幾次，用手捏麵片，好攰，捏到手指都痛😂，但又想食，後來改良一下用廚房剪剪麵（好似小魚一樣，所以我就叫魚麵😃），超簡單方便，而且自己炒可以按照喜愛嘅材料隨意搭配，絕對比起當年係新疆食嘅更好味😍。記得有一次兒子個同學（美國🇺🇸人）來家玩，我就做咗依個炒麵，鬼仔同學食後贊不絕口🤣，話第一次食到咁好味嘅中國炒麵😜。我平時懶得寫菜譜，但依個炒剪麵值得同大年分享一下，包你鐘意😍

用料

• 麵粉 500g左右
• 洋蔥 半個
• 燈籠椒 一個（喜歡辣可以用辣椒代替）
• 香芹 3～4根
• 番茄 三四個
• 小米椒 一兩个（喜歡辣可以多放兩個）
• 肉碎或肉片 100～200g
• 盐 適量
• 生抽 兩茶匙
• 魚露 一茶匙

簡易美味炒剪麵的做法步骤

步骤 1

一碗水加入些少鹽攪拌後倒入麵粉中（水慢慢放，一下子不要太多，視麵粉乾濕程度添加），揉成麵糰即可

步骤 2

洋蔥、香芹、燈籠椒、番茄、小米辣切粒備用

步骤 3

瘦肉切好後，加適量鹽、豉油、雞精、薑絲、生油調味，再加些生粉拌勻備用

步骤 4

鍋放水燒開，麵糰用剪刀沿住邊邊剪成細長象小魚一樣（不要剪得太深，因為煮開會發大），全部剪下鍋後見麵魚浮起就關火

步骤 5

將麵魚撈起備用

步骤 6

開鍋落油，爆香兩粒蒜頭後將肉碎下鍋翻炒至金黃色，再放洋蔥粒翻炒

步骤 7

再將番茄粒下鍋翻炒兩三分鐘，加入些番茄醬翻拌幾下，將香芹、青椒一齊放入再翻炒幾分鐘

步骤 8

調味：加一小勺鹽、豉油、魚露調味（按個人喜愛添加）

步骤 9

最後將麵魚全部倒入翻炒拌勻，試試味，唔夠鹹可以再加些魚露或豉油

步骤 10

出鍋上碟

步骤 11

開動啦😍

簡易美味炒剪麵的小贴士

以上材料可4～5人分量 配料：番茄、青椒、香芹、洋蔥、茄醬 普通麵粉即可 先揉麵：揉成麵糰後蓋上保鮮膜或布，然後再開始切洋蔥、青椒、香芹、番茄、肉碎等配料 肉類：雞肉、牛肉、羊肉豬肉切片切絲切碎都可以，雞蛋（可以不加肉，一樣咁好味） 茄醬、辣椒🌶可按個人喜愛添加，隨意搭配（用泡菜炒也非常簡單好食） 家常便飯，簡單快捷，全程30分鐘左右即可 按以上次序炒配料會比較入味

菜谱创建时间：2022-04-12 15:36:48